“ليه محدش اتكلم عن حقوقي المشروعة “.. زيزو يكشف كواليس إزمته مع مجلس إدارة الزمالك

كشف أحمد سيد زيزو لاعب الزمالك فى بيانًا رسمياً، كواليس أزمته مع مجلس إدارة القلعة البيضاء. 

تحيا مصر، وكتب أحمد سيد زيزو عبر حسابه الرسمي”فيس بوك”: الحمد لله أنا راجل بحترم كل الناس، لكن للأسف عدم ردي علي المعلومات المغلوطة، والتزامي الصمت زاد عن حده .. كل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور”.

وتابع قائلاً:”  بكل وضوح أنا لم أوقع لأي نادي سواء داخل أو خارج مصر. اللي حصل على توقيعي يتفضل يعلن.. إذا كان كلامه صحيح.. كمان اللي عنده دليل على توقيعي لأي نادي برضو يتفضل يطلعه على الملأ”.

 وواصل قائلاً:” الناس لازم تعرف كويس. انا بقدر جدا الكيان الكبير اللي أنا بلعب فيه .. ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد”.

وأردف زيزو قائلاً:” ليه محدش اتكلم عن حقوقي المشروعة زي أي لاعب في الدنيا .. ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير”.

وأكمل حديثة قائلاً:” ومش لاقي حد يجاوبني ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول عمره قصير في الملعب”.

وأكمل قائلاً:” محدش كمان اتكلم إنه ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود، ورغم كل ده قلت وهفضل أقول أنا منتظر كلمة النادي. ورد الاعتبارات كتير مش لتجميل الصورة”.

وقال:”  والجماهير لازم تكون عارفة الحقيقة.. زيزو مش بيزايد.. ولا بيتاجر .. لكن لازم الطرف الثاني يكون عايزني أكمل.. وتكون فيه استجابة لحاجه من المعروض عليا على الأقل.. لكن للأسف الكلام معايا حاجة، واللي بيتقال للإعلام حاجة تانية.. أنا مينفعش اجرح في حد ولا أتكلم في حق حد”.

وأردف قائلاً:” لأن اللي بيتقال في الجلسات عيب يتقال برة .. على الأقل من ناحيتي أنا مستني رد النادي لحد آخر يوم في الكونفدرالية.. وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعاً”.

وأختتم قائلاً:” أتمنى الحوار في مسألة تجديد العقد يكون بيني وبينكم.. مش عن طريق الإعلام.. وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي”.