عدت علينا ليالي محدش يقدر يتحملها

أعلنت الفنانة منى ممدوح خروج والدها من العناية المركزة بعد تحسن حالته الصحية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

منى ممدوح تعلن خروج والدها من العناية المركزة

وكتبت منى ممدوح في منشورها الذي يرصده موقع تحيا مصر: الحمد لله والشكر لله والشكر لله، بابا فاق وخرج من العناية وهنكمل العلاج في البيت، عدت عليه أصعب ليالي محدش يقدر يتحملها، بس ربنا وحده هو اللي مقويني علشان أقدر أفضل جمبك يا حب عمري وكل عمري وحب حياتي.

وتابعت منى ممدوح: بشكر من كل قلبي التمريض والدكاترة واحد واحد على حبهم ووقفتهم معايا ودعمهم ليا وتقويتي على الساعات الصعبة اللي شوفتها، وشكرًا أوي من كل قلبي كل اللي كلمني وكل اللي جالي وكل اللي بعتلي حتي رسالة وكل دعواتكم وصلت لبابا وربنا استجاب ليها شكرًا، بحبكم في الله شكرًا.

منى ممدوح: فيلم ولاد رزق 3 اتصور كأنه في هوليوود

وسبق وأن كشفت الفنانة منى ممدوح عن تفاصيل دورها في فيلم ولاد رزق 3، واعربت عن سعادتها بدعم المستشار تركي آل الشيخ رئيس هيئة الترفية في السعودية لـ فيلم ولاد رزق 3.

تحدثت الفنانة منى ممدوح على تفاصيل مشاركتها في فيلم ولاد رزق 3 خلال حوارها ببرنامج سبوت لايت التي تقدمه الإعلامية شيرين سليمان على شاشة قناة صدى البلد ورصدها موقع تحيا مصر، وقالت: الفيلم تم تصويره بمعدات وإمكانيات تحس أنك بتصور حاجة في هوليوود، مبسوطة أنه السعودية دخلت شراكة معانا في جزء الثالث من ولاد رزق، فيلم هيضف كتيروبيسوق للسينما المصرية.