تفحص أجهزة الأمن بوزارة الداخلية مقطع فيديو متداول لتدخين صغير اشتهر إعلاميًا بـ“صبي العسلية” سيجارة أعطاها له شاب وأشعلها له، فيما قام آخر بتصوير الواقعة، وتعمل الأجهزة الأمنية على التثبت من مدى صحة الواقعة واتخاذ الإجراءات القانونية اللازمة حيال المتهمين.
وفي الآونة الأخيرة، انتشر على مواقع التواصل الاجتماعي منشور مدعوم بفيديو نشرته فتاة عن تعدي شاب على صغير يبيع العسلية في أحد شوارع مدينة المحلة الكبرى بمحافظة الغربية بعدما حاول بيع العسلية له، وأثار الفيديو حالة من الاستياء.
فحص فيديو التعدي على طفل العسلية بالمحلة
كما نشرت سيدة تُدعى روجينا محرز تفاصيل الواقعة باعتبارها شاهدة عيان عليها، من خلال منشور عبر حسابها بموقع “فيسبوك”: “أنا أول مرة أنزّل حاجة زي دي في حياتي أو أنزل مواقف أصلًا، أنا بعيدة كل البعد عن إني أنزل فيديوهات أو أعمل حتى فيديوهات، لحد ما شوفت حاجة أنا مش قادرة أصدقها ولا أسكت”.
وتابعت: “الأستاذ راكب عربية وشکله شاب محترم جدًا، أنا واقفة في الشارع تحت بيتنا شوفت الولد دا بيبيع عسلية وبيعرض على واحد وبيخبّط له عادي على الإزاز، اتصدمت إن صاحب العربية نزل ضـربه كام قلم على وشه كأنه بيضرب راجل كبير والولد غلبان”.
وأضافت روجينا: “ملحقتش أصوّر الاعتداء والناس كلها والشارع شاهد، واللي عصبني أكتر إن في راجل واقف يدافع وبيقول خلاص، فبقول له هو لو ابنك تقبل حد يعمل فيه كدا؟ وصاحب العربية كانت حِجته إنه خبط له على إزاز العربية جامد”.
وأنهت حديثها بقولها: “أنا بنتي الصغيرة قاعدة تكرّر الكلام وتقول لي ضرب الولد على وشه يا ماما، والناس وقفت تراضي الولد الصغير.. دا يرضي مين بجد؟… لو دا ابنك في يوم من الأيام تقبل حد يمد إيده عليه بالشكل دا؟.. وست وقفت تقول له هو عشان غلبان تعمل فيه كدا؟.. أنا بجد مش قادره أتخيل اللي شوفته”.
