الناس كانت بتتنمر على مناخيري وشغل وقفلي بسببها

تحدثت الفنانة أميرة أديب عن تعرضها للتنمر بسبب أنفها، والذي أوقف لها أعمال فنية كثيرة وتنمر عليها أيضا بعض المخرجين، وذلك خلال لقاءها مع الإعلامية فاطمة مصطفى في برنامج الراديو بيضحك والمذاع على راديو 9090.

أميرة أديب: في أدوار كتير مجاتليش بسبب مناخيري 

وقالت أميرة أديب في تصريحات إذاعية رصدها موقع تحيا مصر: الناس بتتنمر عليا عشان مناخيري وفي أدوار كتير مجاتليش بسبب الموضوع دا وكانوا بيقولولي مناخيرك كبيرة، أنا مش عايزة أبدا أخلي في شكل جمالي معين هو اللي يحركني أو يحرك بنات وفي شغلي أنا عايزة أحط كل شيء طبيعي في أي حاجة بعملها سواء حجم شكل أو طول عشان أنا تعرضت لدا.

وتابعت أميرة أديب: في شغل وقفلي عشان مناخيري واتقالت لي من مخرجين وكان عندي حلين يا أروح أعمل فيلر وأكبر شفايفي أو أخلي الناس تتنمر عليا شوية واسمع كلمتين وحشين بس أخلي بنت شبههي تحس أن إيه دا عادي تمام، مع أن التعليقات ساعات بتضايقني بس بقول لنفسي، ربنا مش بيعمل حاجة غلط ودا مش معناه أن لو بنت بتعمل فيلر دا حاجة وحشة المهم تبقى سعيدة وممكن في يوم من الأيام أضعف وأعمل المهم أن الواحد يعمل اللي يرضيه.

أميرة أديب في مسلسل عايشة الدور 

وكانت قد تألقت الفنانة أميرة أديب في السباق الرمضاني 2025 من خلال مسلسل عايشة الدور وخاض بطولته إلى جانب كلا من النجوم دنيا سمير غانم، محمد ثروت، سما إبراهيم، ماجد القلعي، فدوى إبراهيم، محمد كيلاني، من تأليف كريم يوسف، ومن إخراج أحمد الجندي، وإنتاج أحمد السبكي.

ومسلسل عايشة الدور تدور أحداثه في إطار 15 حلقة وينتمي إلى الأعمال الدرامية الكوميدية حيث تعيش امرأة مطلقة وهي أم لطفل وابنةٍ مراهقة حياة يائسة ومليئة بتحديات الحياة اليومية، وتجد فرصة للحياة من جديد عندما تدخل الجامعة بدلًا من ابنة شقيقتها بعد تعرضها لحادث، لتعيش بعدها حياة مزدوجة بين كونها أمًا مثالية وشابة مرحة كما تود أن تكون.

أميرة أديب ترد على منتقدي أداءها في مسلسل عايشة الدور 

وكانت قد ردت أميرة أديب على منتقدي أداءها في مسلسل عايشة الدور، قائلة: الحقيقة، اللي مضايقني أكثر من أي انتقاد شفته السنين الفاتو هو عدم الإنسانية والراحة اللي الناس بقت فيها وهي بتكره في العلن، وبقى كل الدعم private ، كمية الرسائل اللي بتجيلي بشكل خاص على أي حاجة بعملها كثيرة الحمد الله وأنا ممتنة لها الحمد لله. بس مش دي الفكره ، الفكره اني بقيت أحس إن الناس بقت تخاف تدعم في العلن، لأن اللي بقى “cool” هو الكره.