“الديد لاين البناتي”.. مصطلح انتشر على وسائل التواصل الاجتماعي، بين الفتيات، يتحدثن عبر المجموعات المغلقة أو صفحاتهن عن الديد لاين (Deadline) الخاص بالعلاقات، وهو يشير مدة تزمنية تضعها الفتيات كي يحسمن قرارهن من الخطيب أو الرجل الذي ارتبطت به، وخلال تلك المدة يخضع الرجل لتقييم الفتاة.
ديدلاين بناتي
“أنا مش مسامحاكم يا بنات إنكم عرفتوا الولاد حوار الـ deadline اللي بنعمله ده”، عبارة انتشرت على نطاق واسع على منصات السوشيال ميديا، تداولتها الفتيات تشرح ما يدور بعقولهن حول تكملة العلاقات أو إنهائها، وذلك بتقييم تصرفات الرجل، الذي إذا خرج عن المألوف أو الطبيعي فهذا يعني نهاية الـ deadline.
تعليقات الفتيات على الـ deadline
وتواصلت “تليجراف مصر” مع بعض الفتيات لسماع آرائهن حول deadline، وإذا كن يتعاملن بذلك المبدأ بالفعل أم لا.
وقالت تقى.م: “استغربت إن كلنا كبنات بنتعامل بمبدأ الديدلاين.. بس هو معاد نهائي بتحطه البنت في عقلها بعد محاولات كتير للتفاهم أو الإصلاح في العلاقة، وبيكون قرار داخلي، مش دايمًا بتقوله بصوت عالي، لكنها بتحس بيه إن دي خلاص آخر فرصة، أو هدي وقت أخير.. لو مفيش تغيير هبعد”.
بينما أكدت دانا: “البنت مش بتعمل ديدلاين وخلاص.. ده بيكون بعد ما فاض بيها من العلاقة، وبعد كلام ومحاولات كتيرة جدًا مع الشخص.. ده أطول ديدلاين ممكن يتحط لأي حاجة”.
فيما قالت دينا: “الديدلاين لو خلص هي بتحط في عقلها إن دي الفرصة الأخيرة ومفيش رجوع.. لكنه محاولة علشان أعرف هكمل ولا لا ونجحت معايا ولا لا ، فهو وسيلة للحماية من علاقة هتبقى فاشلة، أو جوازة عمرها ما كانت هتنجح”.
